سەرۆکی یەکێتی زانایان بەشداری کردنەوەی بنکەی شێخ فەتاح نەقشبەندی بۆ فێربوونی قورئانی پیرۆز دەکات

ئەمرۆ 24ی8ی2026 بەرێز د.عبدالله مەلا وەیسی سەرۆکی یەکێتی زانایان، بە ئامادەیی بەرێز هەڵگۆرد شێخ نەجیب سەرپەرشتیاری ئیدارەی سەربەخۆی سۆران و قائیمقامی قەزای ناوەندی سۆران و بەرێوەبەری ئەوەقافی سۆران و بەرپرسی لقی سۆرانی یەکێتی زانایان و ژمارەیەک لە بەرپرسانی حزبی و حکومی و ئەمنی و بەشداری لە مەراسیمی کردنەوەی بنکەی شێخ فەتاح نەقشبەندی بۆ فێرکردن و لەبەرکردنی قورئانی پیرۆز کرد.

لەم مەراسیمە سەرۆکی یەکێتی زانایان وتەیەکی پێشکەش کردو وێرای دەستخۆشی و پیرۆزبایی کردنەوەی ئەم بنکەیە لە سۆران، باسی لە گرنگی و گەورەیی فێرکردنی قورئان و بایەخدانی حکومەت بەم بنکانە کردو هیوای خواست ببێتە هەنگاوێک بۆ خزمەتی شارەکەو سەرپەرشتی کردنی منداڵانی تامەزرۆ بۆ خوێندنی قورئانی پیرۆزو پەروەردەکردنیان بە جوانترین شێوە.