ڕادیۆی زانایان
ئەمرۆ 2ی9ی2026 بەرێز د.عبدالله مەلا وەیسی سەرۆکی یەکێتی زانایانی ئایینی ئیسلامی کوردستان، لەسەر بانگهێشتی فەرمی خانەی فەتوای میسڕو مەشیخەی ئەزهەر، بەشداری لە یازدەمین کۆنگرەی نێودەوڵەتی خانەی فەتوای میسڕ بەناونیشانی: (بەربەستەکانی خێزان لە سایەی گۆڕانکارییە گەورەکان؛ لێکنزیکی فەتوا بۆ پاراستنی خێزان و سەرپەرشتی و پاراستنی ئایندە و ناسنامە) لە وڵاتی میسڕ کرد.
کۆنگرەکە لە ژێر چاوێری سەرۆک کۆماری میسڕ عبدالفتاح سیسی و بە ئامادەبوونی دکتۆر شێخ ئوسامە ئەلئەزهەری وەزیری ئەوقافی میسڕو دکتۆر شێخ نظير محمد عياد موفتی میسڕو بەشداری چەندین سەرکردەو وەزیری و نوێنەرو گەورە زانایانی 80 وڵاتی جیهانی ئیسلامی و موفتی و زانایانی میسڕ بەرێوە چوو، کە رۆژانی 2و3ی9ی2026 کارەکانی کۆنگرەکە بەرەدەوام دەبن و بڕیار وایە چەندین توێژینەوەی زانستی و پانێڵی تایبەت بە پرسی ئاڵنگارییەکانی خێزان و دۆزینەوەی چارەسەر پێشکەش بکرێت، بەپێی قسەکانی موفتی میسر لەم کۆنگرەپە پتر لە 300 توێژینەوەی زانستی ئامادەکراوە، کۆنگەرەکەش تەنها چالاکی نیە بەڵکو بە راسپاردەی جددی تەواو دەبێت و پێشکەش بە لایەنی پەیوەندیدار دەکرێت.
لەم کۆنگرەیە بەرێز سەرۆکی یەکێتی زانایان بە کورتی ئاماژەی بە ئاڵنگارییە هاوچەرخەکان و پێویستی هۆشیار بوونی کۆمەڵگەکان لە بەرامبەر شەپۆلە مەترسیدارەکانی سەر خێزان کردو رۆشنایی خستە سەر دۆخی ئێستای کۆمەڵگەی کوردی و خێزانی کوردو پابەندی بە رێپازی دینداری و رۆڵی زانایانی کورد و فەتوا لە بەرەنگاربوونەوەی مەترسی و پێشهاتە نەخوازراوەکان.
شایەنی باسە ئەم کۆنگرەیە بە یەکێ لە کۆنگرە هەرە گەروەکانی سەر ئاستی جیهانی ئیسلامی دادەنرێت، کە چەند ساڵ جارێکی خانەی فەتوای میسڕو مەشیخەی ئەزهەر لەسەر پرسێکی هەستیارو گرنگ و پەیوەندیدار بە کۆمەڵگەی ئیسلامی ساز دەکات و چەندین وڵات تێیدا بەشدار دەبن.
