ڕادیۆی زانایان
بەناوی خوای بەخشندەی میهرەبان
بەداخەوە لە کردەیەکی دوژمنکاری هێڕشکرایە سەر ماڵی جەنابی سەرۆکی هەرێم رێزدار نێچیرڤان بارزانی، لەکاتێکدا جەنابیان هەمیشە فاکتەرێکی دیارو کارای ئاشتیخوازی و سەقامگیری ناوچەکە بوونە.
بەتوندی ئەو هێڕشە ئیدانەو سەرکۆنە دەکەین، داوا لە حکومەتی عیراق دەکەین هەرچی زووە رێگری بکات لەو جۆرە هەنگاوانە، کە هەڕەشەی مەترسیدارن بۆ سەر ئایندەی پەیوەندییەکان و بنەماکانی دیموکراسی لە عیراق و ناوچەکە، لەهەمان کات ئەم کردەیە پێچەوانەی بنەما شەرعی و یاساکانی وڵاتە.
بە ئامانجگرتنی ماڵی سەرۆکی هەرێم بەلای ئێمەوە شتێکی سادە نیە، بەڵکو هەڕەشەیە لە پێگەی دەستووری هەرێمی کوردستان، هەرێمێک هەمیشە ئاشتی بۆ عیراق و وڵاتان دەوێت نەک شەڕ.
یەکێتی زانایانی ئایینی ئیسلامی کوردستان
29ی3ی2026
