مامۆستا مەلا ئەحمەد عمر سندی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات

شەوی 21ی4ی2026 مامۆستاو کەسایەتی ئایینی و کۆمەڵایەتی سنوری ئیدارەی سەربەخۆی زاخۆ؛ مامۆستا مەلا ئەحمەد عمر بوسەلی سندی كۆچی دوایی كرد، یه‌کێتی زانایان پرسه‌نامه‌ی هاوخەمی ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِ الصَّابِرِينَ، الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ)

بنەماڵەی خوالێخۆشبوو: مامۆستا مەلا ئەحمەد عمر بوسەلی سندی

بەرازی بوون بە قەدەری خوای گەورە هه‌واڵی وه‌فاتی مامۆستاو کەسایەتی ئایینپەروەرو خواناس (مامۆستا مەلا ئەحمەد عمر بوسەلی سندی)مان پێگه‌یشت، کە  ئێوارەی دوێنێ لە شاری زاخۆ کۆچی دوایی کرد.

به‌و بۆنه‌وه‌ پرسه‌و سه‌ره‌خۆشی لە خانه‌واده‌و که‌س و کاری مامۆستای ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

انا لله وانا الیه راجعون

یه‌کێتی زانایانی ئایینی ئیسلامی کوردستان

22ی4ی2026